کچھ نیا اور تخلیقی تعمیر کرنا بہت اچھی بات ہے مگر ہمیں وہ لوگ بہت اچھے لگتے ہیں جو پہلے سے تعمیر شدہ پرانی چیزوں میں بہتری لانے کی کوشش کرتے ہیں۔ آج ہم آپ کو ایک ایسا جدید گھر دکھائیں گے جو کہ 1952 میں بنا تھا۔ آرکیٹکٹس کی محنت اور تخلیقی صلاحیت سے اس گھر کی تعمیر دیکھ کر پتا لگتا ہے کہ یہ ماہرین واقعی جانتے ہیں کہ جدت کیا ہوتی ہے۔ گھر کے ہر ہر حصے کو بہت احتیاط کے ساتھ برتا گیا ہے۔ اور نتائج دیکھ کر بھی آپ مان جائیں گے کہ یہ گھر واقعی حسن اور جدت کی منہ بولتی مثال ہے۔ تو پھر آئیے دیکھتے ہیں۔
کبھی جو گھر باغ سے آسان جڑاؤ اور باہر کو نکلی ہوئی چھت کے سبب منفرد اور جدید سمجھا
جاتا وہ بد قسمتی سے کچھ اناڑیوں کے ہاتھوں تعمیر نو
کی وجہ سے 1992 میں بد حالی کا شکار ہو گیا۔ لگتا ہے یہ ٹیم
جانتی ہی نہیں تھی کہ انہیں اس گھر کے ساتھ کرنا کیا ہے۔ باہر نکلی ہوئی چھت ہٹا
کر اس کی جگہ عجیب سا ٹیرس بنا دیا گیا۔ اس وجہ سے یہ گھر بہت عجیب منظر پیش کرنے
لگا ہے
اس تصویر میں آپ دیکھ سکتے ہیں کہ اس گھر میں تبدیلیاں کس طرح سے آئیں۔ آپ اس کو دیکھ کر آسانی سے سمجھ سکتے ہیں کہ اس دفعہ کی تعمیر میں گھر کو واپس اس کے شروع کے انداز میں لے کر جایا جا رہا ہے۔
دیکھیں سفید رنگ اور پتھروں سے بنا یہ شاہکار کس قدر خوبصورت لگ رہا ہے۔ تالاب کے اضافے کے بعد اس گھر میں اس کے پرانے خوبصورت انداز کے اندر مزید حسن پیدا کر دیا گیا ہے۔
دیکھیں اس دیوان خانے کو کس قدر بور اور غیر دلچسپ بنا دیا گیا تھا۔ آتش دان پر لگے عجیب و غریب سے ٹائلز اور غیر ضروری دیواروں سے اس جگہ کے حسن کو دبا دیا گیا تھا۔
ہمارے ماہرین نے اس جگہ کو اس کا کھویا ہوا حسن واپس دلا دیا۔ مدھم رنگوں کی دیوار اور غیر ضروری دیواروں کو ہٹانے کے بعد یہ جگہ ایک دم بہت کشادہ لگنے لگی ہے۔ اور اپنی پرانی خوبصورتی پہ واپس چلی گئی ہے.
پہلے یہ باورچی خانہ �بے شک فعال اور کارآمد تھا مگر بہت عام تھا۔ کسی بھی ذاتی نوعیت کی آرائش کے بغیر یہ باورچی خانہ بہت غیر دلچسپ تھا۔
کسٹم فرنیچر، خوبصورت ٹائلز اور جدید آلات کے بعد یہ باورچی خانہ اب کسی کا بھی خواب بن سکتا ہے۔ منفرد فانوس جدید اور پرانے انداز کو ملا کر اب ایک بہت ہی زبردست اور دلکش تاثر پیش کر رہے
آپ کو پتہ ہی ہو گا کہ ہمیں اینٹوں کی بے نقاب دیوار کس قدر پسند ہے۔ ہلکے رنگ کے فرنیچر کے ساتھ مل کر یہ دیوار گھر کے مالک کے اعلا ذوق کی عکاسی کرے گی۔ اور ان اونچی کھڑکیوں کے تو کیا ہی کہنے ہیں…
آپ اس تصویر کو دیکھ کر بتا سکتے ہیں کہ باغ کس قدر خوبصورتی سے تیار کیا گیا ہے۔ مرکزی خوابگاہ سے نظر آنے والے باغ کا یہ منظر ہی اس باغ کو سنوارنے کی وجہ بننے کے لیے کافی ہے۔ لکڑی کی سفید چھت اور ہلکے رنگ کے فرنیچر سے اس جگہ سے زیادہ توجہ باہر کے منظر پر ہی رہے گی۔ اندر سادگی کا عنصر نمایاں ہے۔
مزید متاثر کن تبدیلیوں کے لیے اس آئیڈیا بک کو بھی دیکھیں